Jetëshkrimi i pafundësisë për muzikën
Suksesi i arritur deri më tani është si rezultat i dhuntisë që posedon, duke e bërë të lidhet emocionalisht me muzikën dhe më tej të sjellë dashuri dhe emocion te publiku. Përshkrimi dhe rrëfimi në vazhdim që do të lexoni, do t’ju jep një pasqyrë që reflekton dhe informon vizualisht për rrugëtimin tim deri më tani. Si fëmijë e kam kuptuar se muzika është pjesë e jetës, duke u prezentuar në lojë e në familje me interpretim thuajse ndodhësha në koncert. E lindur në Pejë, në një qytet me traditë në muzikë, e poashtu në një familje muzikantësh, e rritur dhe e rrethuar në ambiente muzikore, e pashmangshme ishte të mos fillonte dashuria dhe pasioni për ngritje profesionale muzikore Përfundimi si këngëtare tani, nuk ishte pjesë e mendimeve të mija por mbetej vetëm dëshirë e fshehtë. Hapi i parë i imi ishte në Piano dhe shkolla e muzikës, ku sukseset nuk ishin te vogla. Pjesëmarrja në gara ishte gjithmonë aty, por interesimi im ishte më i gjere, prandaj fillova ta njohë në interpetim e të luaj edhe me instrumentin e Klarinetës. Isha e vetmja femër klarinetiste, por që privilegji më i madh ishte puna e suksesshme, e cila vleresohej gjithmonë në mënyrë maksimale. Talent Show-i “The Voice Of Albania”, ngjalli një dëshirë të pashuar në mua, që të provoj rrugën si këngëtare, kështu që guxova dhe provova. Pritshmëritë e mija ishin mjaft të vogla, krahas arritjeve të mija atje. Natyrisht se kjo më ndihmojë të depërtoj te publiku, duke fituar zemrat e tyre, të cilët më bënë më të fortë që të vazhdoj e ta shtyj përpara në atë që doja. Pas “The Voice Of Albania”, fillova të sjellë projekte nga më të ndryshmet, isha pjesë e festivaleve të ndryshme, ku në disa prej tyre kam marrë edhe çmimin e parë, gjera që për mua kishin shumë vlerë. Në këtë spektakël arrita të jem një vokaliste që shpreh emocion në interpretim, ku gjatë këtij edicioni fitova zemrën e audiencës dhe publikut të gjerë, dhe kjo bëri që të shkoj në mbrëmjen finale. Gjatë kësaj kohe isha më dominuse në zhanrrin e Muzikës ROCK, sidomos në atë alternativ. Imazhi i arritur në ketë zhanërr muzikor më përcjell edhe tani. Por duke u mbushur muzikalisht dhe duke avansuar profesionalisht, dëshira për eksplorime më bëri kureshtare, për të provuar edhe rrymat tjera muzikore, dhe në këtë mënyrë fillova të këndoj pos rokut edhe në zhanrin zbavitës deri në atë popullor. Kjo e bëri të mundshme, të paraqitem edhe në festivale të tjera si “Top Fest”, “Kënga Magjike” dhe “Kosovarja Këndon”, festival ky mbarë kombëtar ku fitova vendin e parë të jurisë dhe çmimin e mediave. Rruga ishte e gjatë e akoma do vazhdoj, ishte sfiduese e do vazhdoj të jetë edhe më tutje, por që më pëlqen dhe është taman ajo çfarë po kërkoj nga jeta. Muzikë, e jetë të mbushur me muzikë, e pikërisht atë po arrij ta bëj, çdo ditë jam një hap më afër suksesit. Pa dyshim është pak e lodhshme, për arsye të ndryshme, sepse rrugëtimi që unë zgjodha nuk është aspak i lehtë por me përkushtim e me dashuri për punën, arrihen e tejkalohen të gjitha. Albina Kelmendi
